ৰাষ্ট্ৰপতি দ্ৰৌপদী মুৰ্মুৱে ১৭ জন শিশুক তেওঁলোকৰ ব্যতিক্ৰমী কৃতিত্বৰ বাবে প্ৰধানমন্ত্ৰী ৰাষ্ট্ৰীয় শিশু পুৰস্কাৰ প্ৰদান কৰে।
প্ৰধানমন্ত্ৰী ৰাষ্ট্ৰীয় শিশু পুৰস্কাৰ
ই শিশুসকলৰ বাবে ভাৰতৰ সৰ্বোচ্চ অসামৰিক সন্মান। প্ৰধানমন্ত্ৰী ৰাষ্ট্ৰীয় শিশু পুৰস্কাৰে বিভিন্ন ক্ষেত্ৰত অসামান্য কৃতিত্বক স্বীকৃতি প্ৰদান কৰে।
বঁটা প্ৰদানকৰ্তা :
ভাৰত চৰকাৰৰ হৈ ভাৰতৰ ৰাষ্ট্ৰপতিয়ে প্ৰধানমন্ত্ৰী ৰাষ্ট্ৰীয় শিশু পুৰস্কাৰ প্ৰদান কৰে ।
আয়োজক মন্ত্ৰালয় :
মহিলা আৰু শিশু উন্নয়ন মন্ত্ৰালয়
বঁটাৰ শ্ৰেণীসমূহঃ
- কলা আৰু সংস্কৃতি
- সাহসিকতা।
- উদ্ভাৱন
- বিজ্ঞান আৰু প্রযুক্তি
- সমাজ সেৱা
- ক্ৰীড়া
- পৰিৱেশ
যোগ্যতাৰ চৰ্তঃ
- বঁটাপ্ৰাপক এজন ভাৰতীয় নাগৰিক হ’ব লাগিব।
- বয়সঃ সংশ্লিষ্ট বৰ্ষৰ ৩১ জুলাইত ৫-১৮ বছৰৰ ভিতৰত হ’ব লাগিব।
- মনোনয়নৰ সময়সীমাৰ পূৰ্বে দুবছৰৰ ভিতৰত কৃতিত্ব অৰ্জন কৰা হ’ব লাগিব।
বঁটাৰ সংখ্যাঃ
ৰাষ্ট্ৰীয় নিৰ্বাচন সমিতিৰ বিবেচনা সাপেক্ষে প্ৰতি বছৰে ২৫ টা পৰ্যন্ত বঁটা প্ৰদান কৰা হয়।
বঁটাৰ উপাদানসমূহঃ
বঁটাপ্ৰাপকসকলক এটি পদক, এখনি প্ৰমাণপত্ৰ আৰু এখনি উদ্ধৃতি পুস্তিকাৰে সন্মানিত কৰা হয়।
২০২৪ চনৰ উল্লেখযোগ্য বঁটা বিজয়ীসকলঃ
- কেয়া হাটকাৰ (১৪ বছৰ)
- কলা আৰু সংস্কৃতিৰ ক্ষেত্ৰত উৎকৃষ্টতাৰ বাবে সন্মানিতকেয়া হাটকাৰ লেখক আৰু বিশেষভাৱে সক্ষমতাৰ হকে যুক্তিধাৰী হিচাপে সুপৰিচিত।
- অয়ন ছাজাদ (১২ বছৰ)
- কাশ্মীৰী সংগীতলৈ আগবঢ়োৱা অৱদানৰ বাবে কাশ্মীৰৰ চুফী গায়কক অয়ন ছাজাদ এই স্বীকৃতি আগবঢ়োৱা হৈছে।
- ব্যাস ওম জিগ্নেশ (১৭ বছৰ)
- মস্তিষ্কৰ পক্ষাঘাতগ্ৰস্ততা স্বত্বেও সংস্কৃত সাহিত্যৰ প্ৰতি থকা ঐকান্তিক সমৰ্পণৰ বাবে ৫,০০০তকৈও অধিক শ্লোক মুখস্থৰে বিশেষ প্ৰতিভাৰ পৰিচয় দাঙি ধৰা ব্যাস ওম জিগ্নেশক এইবেলি ৰাষ্ট্ৰীয় শিশু পুৰস্কাৰেৰে সন্মানিত কৰা হয়।
- সৌৰভ কুমাৰ (৯ বছৰ)
- তিনিজন ছোৱালীক পানীত ডুব যোৱাৰ পৰা ৰক্ষা কৰাৰ বাবে সাহসিকতা শাখাত সৌৰভ কুমাৰক পুৰস্কৃত কৰা হৈছিল।
- লোনা থাপা (১৭ বছৰ)
- অগ্নিকাণ্ডৰ পৰা ৩৬ জন বাসিন্দাক উদ্ধাৰ কৰাৰ বাবে লোনা থাপাক ৰাষ্ট্ৰীয় শিশু পুৰস্কাৰেৰে সন্মানিত কৰা হৈছে।
- সিন্ধুৰা ৰাজা (১৫ বছৰ)
- পাৰ্কিনছন ৰোগীসকলৰ বাবে আত্ম-স্থিৰকৰণ সঁজুলি বিকশিত কৰাৰ বাবে সিন্ধুৰা ৰাজাই এই স্বীকৃতি লাভ কৰে ।
- ৰিশিক কুমাৰ (১৭ বছৰ)
- চাইবাৰ সুৰক্ষা উদ্যোগী ৰিশিক কুমাৰক কাশ্মীৰৰ প্ৰথমটো চাইবাৰ সুৰক্ষা প্ৰতিষ্ঠান আৰম্ভ কৰাৰ বাবে সন্মানিত কৰা হৈছে।
- হেমৱতী নাগঃ
- নক্সাল-প্ৰভাৱিত অঞ্চলৰ এগৰাকী জুডো খেলুৱৈ হেমৱতী নাগে প্ৰত্যাহ্বান অতিক্ৰম কৰি খেলো ইণ্ডিয়া ৰাষ্ট্ৰীয় গেমছত ৰূপৰ পদক লাভ কৰিছিল।
- অনীশ চৰকাৰঃ
- ‘ফিডে’ (FIDE) ৰেংক প্ৰাপ্ত আটাইতকৈ কনিষ্ঠ দবা খেলুৱৈ অনীশ চৰকাৰক ব্যতিক্ৰমী প্ৰতিভাৰ বাবে স্বীকৃতি প্ৰদান কৰা হৈছিল।
