শেহতীয়া এক অধ্যয়নত প্ৰকাশ পাইছে যে পশ্চিম ঘাটৰ স্থানীয় প্ৰজাতি সিংহ-নেজীয়া বান্দৰ মানুহৰ পাৰস্পৰিক ক্ৰিয়া-প্ৰতিক্ৰিয়াৰ বাবে জীয়াই থকাৰ ভাবুকিৰ সন্মুখীন হৈছে।
সিংহ-নেজীয়া বান্দৰৰ বিষয়ে :
বৈজ্ঞানিক নাম- মেকাচা চিলেনাছ (Macaca Silenus)
প্ৰায়ে দাড়ীয়া বান্দৰ (bearded monkey) বুলি অভিহিত সিংহ-নেজীয়া বান্দৰ সিংহৰ দৰে লোমশ নেজ (tufted tail) আৰু ধূসৰ ৰঙৰ কেশ (grey mane) যুক্ত বিশ্বৰ এক প্ৰাচীন বান্দৰ প্ৰজাতি। ইয়াক ইয়াৰ অনন্য কণ্ঠস্বৰৰ বাবে স্বীকৃতি আগবঢ়োৱা হৈছে। এই বান্দৰবিধে যোগাযোগ আৰু অঞ্চল চিহ্নিত কৰাৰ বাবে ১৭ টা পৃথক শব্দ ব্যৱহাৰ কৰে।
স্থানীয় বসতি :
ভাৰতৰ কৰ্ণাটক, কেৰালা আৰু তামিলনাডুৰ পশ্চিম ঘাট বৰ্ষাৰণ্যত বিশেষভাৱে সিংহ-নেজীয়া বান্দৰ পোৱা যায়।
অনন্য বৈশিষ্ট্যঃ
- ইয়াৰ মুখমণ্ডলৰ চাৰিওকাষে ধূসৰ, কেশৰ দৰে নোম আৰু দীঘল, লোমশ নেজৰ দ্বাৰা পৃথকীকৃত।
- প্ৰাথমিকভাৱে বৃক্ষবাসী (arboreal) এইবিধ বান্দৰে, খাদ্য আৰু সুৰক্ষাৰ বাবে ঘন বৰ্ষাৰণ্যৰ বৃক্ষ-আচ্ছাদনৰ ওপৰত নিৰ্ভৰ কৰে।
আই.ইউ.চি.এন.-ৰ স্থিতিঃ
- আই. ইউ. চি. এন. ৰেড লিষ্টত ‘বিপন্ন’ (Endangered) হিচাপে শ্ৰেণীভুক্ত।
- চাইটছৰ পৰিশিষ্ট-১ (Appendix I of CITES) আৰু বন্যপ্ৰাণী (সুৰক্ষা) আইন, ১৯৭২-ৰ অনুসূচী ১ (Schedule I of the Wildlife (Protection) Act, 1972)-ৰ অধীনত সুৰক্ষিত।
বাসস্থানঃ
পশ্চিম ঘাটৰ বৰ্ষাৰণ্যৰ সৰু সৰু অংশত বাস কৰে, যাৰ ফলত ই বনাঞ্চল ধ্বংস, বাসস্থানৰ বিভাজন, আৰু মানুহৰ হস্তক্ষেপৰ দৰে ভাবুকিৰ বাবে অত্যন্ত সংবেদনশীল হৈ পৰে।
