বৃহৎ প্ৰযুক্তি বা বিগ টেক খণ্ডত সংঘটিত বিক্ষিপ্ত ছাঁটাইৰ বাবে কৃত্ৰিম বুদ্ধিমত্তাক দোষাৰোপ কৰা উচিত নেকি?
এলফাবেট (গুগল) (Alphabet (Google)), মেটা (Meta), আমাজন (Amazon) আৰু মাইক্ৰ’ছফ্ট (Microsoft) ৰ দৰে কোম্পানীসমূহত প্ৰযুক্তিগত চাকৰিৰ পৰা অপসাৰণ বা ছাটাইৰ মাত্ৰা বৃদ্ধি পাইছে। এনে ছাঁটাইসমূহে এইক্ষেত্ৰত কৃত্ৰিম বুদ্ধিমত্তা (AI) দায়ী নেকি বা ই ব্যৱসায়িক পুনৰ্গঠন, ব্যয়-সঞ্চয় ব্যৱস্থা, আৰু নিয়োগৰ প্ৰৱণতাৰ মহামাৰী-পৰৱৰ্তী সংশোধনৰ প্ৰতিফলন নেকি আদি নানা দিশত বিতৰ্কৰ অৱকাশ চিহ্নিত কৰিছে।
বিষয়ৰ সপক্ষে : বৃহৎ প্ৰযুক্তি ক্ষেত্ৰত বিক্ষিপ্ত ছাঁটাইৰ বাবে কৃত্ৰিম বুদ্ধিমত্তাক দোষাৰোপ কৰা উচিত
- অগ্ৰাধিকাৰৰ পৰিৱৰ্তন (Shift in Priorities) : কৃত্ৰিম বুদ্ধিমত্তা গ্ৰহণৰ ফলত কোম্পানীসমূহে স্বয়ংক্ৰিয়তা আৰু দক্ষতাক অগ্ৰাধিকাৰ দিছে। ফলত কিছুমান বিশেষ ভূমিকাত মানৱ শ্ৰমিকৰ প্ৰয়োজনীয়তা হ্ৰাস পাইছে।
- কৃত্ৰিম বুদ্ধিমত্তা বিশেষজ্ঞসকলৰ উচ্চ ব্যয় (High Costs of AI Specialists) : কোম্পানীসমূহে ব্যয়বহুল কৃত্ৰিম বুদ্ধিমত্তা বিশেষজ্ঞসকলক নিযুক্তি দিবলৈ বাজেট পুনৰ আবণ্টন কৰাৰ ফলত প্ৰায়ে ব্যয়ৰ ভাৰসাম্য ৰক্ষা কৰিবলৈ পৰম্পৰাগত কৰ্মচাৰীসকলক ছাঁটাই কৰা পৰিলক্ষিত হৈছে।
- নিযোগৰ আৰম্ভণি হ্ৰাস কৰা হৈছে (Reduced Job Openings) : কৃত্ৰিম বুদ্ধিমত্তাই প্ৰযুক্তিগত কাৰ্যকলাপবোৰ সুবিন্যস্ত কৰাৰ লগে লগে, বিশেষকৈ স্বয়ংক্ৰিয়ভাৱে পালন কৰিব পৰা ভূমিকাৰ বাবে, প্ৰযুক্তিখণ্ডত নিয়োগৰ আৰম্ভণি হ্ৰাস হৈ আহিছে।
- কৃত্ৰিম বুদ্ধিমত্তা নগদীকৰণৰ বাবে চাপ (Pressure to Monetize AI) : কোম্পানীসমূহে কৃত্ৰিম বুদ্ধিমত্তাজনিত গৱেষণা আৰু উন্নয়নৰ বাবে পুঁজি যোগান ধৰিবলৈ কৰ্মচাৰী-ব্যয় হ্ৰাস কৰিছে যদিও কৃত্ৰিম বুদ্ধিমত্তাৰ লাভজনকতা এতিয়াও অনিশ্চিত।
- পৰম্পৰাগত ভূমিকাৰ ব্যাঘাত (Disruption of Traditional Roles) : গ্ৰাহক সমৰ্থন (customer support), কোডিং (coding) আৰু পুনৰাবৃত্তিমূলক কামৰ (repetitive tasks) দৰে ক্ষেত্ৰত চাকৰি ক্ৰমান্বয়ে স্বয়ংক্ৰিয় হৈ পৰিছে। ফলত নিযুক্তিৰ ওপৰত প্ৰত্যক্ষভাৱে প্ৰভাৱ পৰিছে।
বিষয়ৰ বিপক্ষে : বিগ টেক বা বৃহৎ প্ৰযুক্তি ক্ষেত্ৰত বিক্ষিপ্ত ছাঁটাইৰ বাবে কৃত্ৰিম বুদ্ধিমত্তাক দোষাৰোপ কৰা উচিত নহয়
- অতিৰিক্ত নিয়োগ সংশোধন (Overhiring Correction) : প্ৰযুক্তি প্ৰস্ফুটিত বৰ্ষবোৰত হোৱা অতিৰিক্ত নিযুক্তিৰ বাবে প্ৰাথমিকভাৱে ছাঁটাই কৰা হয়, প্ৰত্যক্ষভাৱে কৃত্ৰিম বুদ্ধিমত্তা গ্ৰহণৰ ফলত নহয়।
- ব্যয় হ্ৰাসৰ ব্যৱস্থা (Cost-Cutting Measures) : কৃত্ৰিম বুদ্ধিমত্তা একত্ৰীকৰণ নিৰ্বিশেষে বৰ্ধিত কাৰ্যকৰী ব্যয় আৰু বিনিয়োগকাৰীৰ চাপে নিয়োগৰ পৰা বৰ্খাস্ত কৰাত অৰিহণা যোগাইছে।
- ব্যৱসায়িক আৰ্হিসমূহৰ অদক্ষতাঃ যিবোৰ কোম্পানীয়ে নতুন প্ৰযুক্তিৰ সৈতে খাপ খোৱাত বা নগদীকৰণত ব্যৰ্থ হৈছিল, সেইবোৰক কৃত্ৰিম বুদ্ধিমত্তাৰ সৈতে সম্পৰ্কিত নোহোৱাকৈ কৰ্মীদলৰ আকাৰ হ্ৰাস কৰিবলৈ বাধ্য কৰোৱা হৈছে।
- শ্ৰমিক মুদ্ৰাস্ফীতিঃ উচ্চ মজুৰি আৰু মুদ্ৰাস্ফীতিৰ ফলত বৃহৎ শ্ৰমিকবলক বহনক্ষম কৰি ৰাখিব নোৱাৰা হৈ পৰিছে। ফলত নিয়োগৰ পৰা বৰ্খাস্ত কৰা হৈছে।
- অৰ্থনৈতিক অৱস্থাঃ বজাৰৰ মন্দাৱস্থা আৰু উদ্যোগ মূলধন হ্ৰাসৰ দৰে বিস্তৃত অৰ্থনৈতিক প্ৰত্যাহ্বানসমূহে কৃত্ৰিম বুদ্ধিমত্তাতকৈ অধিক গুৰুত্বপূৰ্ণ ভূমিকা পালন কৰে।
যদিও কৃত্ৰিম বুদ্ধিমত্তাই ব্যৱসায়িক অগ্ৰাধিকাৰ আৰু কাৰ্য্যকৰী দক্ষতাক প্ৰভাৱিত কৰিছে, বিগ টেক বা বৃহৎ প্ৰযুক্তি ক্ষেত্ৰত বিক্ষিপ্ত ছাঁটাই অধিক অৰ্থনৈতিক কাৰক, অত্যাধিক নিযুক্তি আৰু কৌশলগত পুনৰ্গঠনৰ ফলত হয়।
