Tag: INSURANCE SECTOR

ভাৰতীয় বীমা নিয়ামক আৰু উন্নয়ন প্ৰাধিকৰণ (Insurance Regulatory and Development Authority of India (IRDAI))-ৰ অধ্যক্ষ দেবাশীষ পাণ্ডাই বীমা খণ্ডত ১০০% প্ৰত্যক্ষ বিদেশী বিনিয়োগ ((FDI)) ৰ অনুমতি দিয়াৰ প্ৰস্তাৱ আগবঢ়াই ব্যক্ত কৰে যে ২০২৭ চনৰ ভিতৰত সাৰ্বজনীন বীমা আচ্ছাদন প্ৰাপ্ত কৰিবলৈ যথেষ্ট মূলধনৰ প্ৰয়োজন। ভাৰতৰ বীমা খণ্ড সংক্ষিপ্ত বিৱৰণঃ ভাৰতৰ বীমা উদ্যোগ হৈছে উৰ্ধমুখী বিকাশযুক্ত এক গুৰুত্বপূৰ্ণ খণ্ড। ই হৈছে বিশ্বব্যাপী উদীয়মান বীমা বজাৰৰ পঞ্চম বৃহত্তম জীৱন বীমা বজাৰ, যি বছৰি ৩২-৩৪% হাৰত বৃদ্ধি পাইছে। ভাৰতৰ বীমা উদ্যোগটোত ৫৭ বীমা প্ৰতিষ্ঠান আছেঃ ইয়াৰে ২৪ টা বীমা প্ৰতিষ্ঠান জীৱন বীমা খণ্ডত আৰু ৩৪ টা অনা-জীৱন বীমা খণ্ডত সেৱা আগবঢ়াই আহিছে। জীৱন বীমাকৰ্তাসকলৰ ভিতৰত, ভাৰতীয় জীৱন বীমা নিগম (Life Insurance Corporation (LIC)) হৈছে একমাত্ৰ ৰাজহুৱা খণ্ডৰ সংস্থা, আনহাতে ছয়টা ৰাজহুৱা খণ্ডৰ বীমাকৰ্তাই অনা-জীৱন খণ্ডত বীমাজনিত সেৱা আগবঢ়ায়। নিয়মাৱলীঃ ভাৰতীয় বীমা নিয়ন্ত্ৰক আৰু উন্নয়ন প্ৰাধিকৰণে ভাৰতৰ বীমা খণ্ডক নিয়ন্ত্ৰণ কৰে, অনুপালন নিশ্চিত কৰে, বীমা-আঁচনি ধাৰকসকলক সুৰক্ষিত কৰে আৰু বজাৰৰ সুস্থিৰতা বজাই ৰাখে। বীমা খণ্ডৰ প্ৰত্যাহ্বানসমূহঃ নিম্ন প্ৰৱেশ আৰু সজাগতাঃ বিত্তীয় সজাগতা বৃদ্ধি হোৱাৰ স্বত্ত্বেও ভাৰতৰ মুঠ জনসংখ্যাৰ মাত্ৰ ৪% লোকহে বীমাভুক্ত হৈছে। বিতৰণজনিত বাধাসমূহঃ সীমিত গ্ৰাম্য আন্তঃগাঁথনিয়ে বীমা-সেৱাৰ প্ৰৱেশাধিকাৰ সীমিত কৰে। নিয়ামক বাধাসমূহঃ প্ৰয়োজনীয় গ্ৰাহক সুৰক্ষাই বীমা-উদ্ভাৱনৰ সন্মুখত প্ৰতিবন্ধকতা আনিব পাৰে। জালিয়াতি আৰু ভুৱা বিক্ৰীঃ ভুৱা বীমা আঁচনি তথা বীমা জালিয়াতিয়ে গ্ৰাহকৰ বিশ্বাস হ্ৰাস কৰিছে। প্ৰযুক্তি অভিযোজনঃ পৰম্পৰাগত বীমা প্ৰতিষ্ঠানসমূহে ডিজিটেল-জগতলৈ পট পৰিৱৰ্তনৰ বাবে সংগ্ৰাম কৰিবলগীয়া হয়। বীমাকৰণৰ বিপদাশংকাঃ বীমা সন্মন্ধীয় সীমিত তথ্যই বীমা-আঁচনিৰ সঠিক বিপদাশংকা মূল্যায়নত বাধা দিয়ে। তীব্ৰ প্ৰতিযোগিতাঃ নতুন প্ৰৱেশকাৰীসকলে বিদ্যমান খেলুৱৈসকলক উদ্ভাৱন কৰিবলৈ উৎসাহিত কৰে। স্বাস্থ্যসেৱাৰ মুদ্ৰাস্ফীতিঃ অধিক বীমাজনিত খৰচে স্বাস্থ্য-বীমাকৰ্তাসকলৰ ওপৰত চাপৰ সৃষ্টি কৰে। অৰ্থনৈতিক কাৰকসমূহঃ মুদ্ৰাস্ফীতি আৰু অৰ্থনৈতিক পৰিৱৰ্তনে লাভ আৰু নীতিগত দায়বদ্ধতাক প্ৰভাৱিত কৰে। উৎপাদনী উদ্ভাৱনঃ বীমা সুলভতাৰ সৈতে স্বনিৰ্ধাৰণৰ ভাৰসাম্য বজাই ৰখাটো গুৰুত্বপূৰ্ণ। বীমাখণ্ডত প্ৰত্যক্ষ বিদেশী বিনিয়োগ: বীমা খণ্ডই বিগত ৯ বছৰত প্ৰায় ৫৪,০০০ কোটি টকাৰ প্ৰত্যক্ষ বিদেশী বিনিয়োগ (FDI) লাভ কৰিছে। কেন্দ্ৰীয় চৰকাৰে অনুমোদিত প্ৰত্যক্ষ বিদেশী বিনিয়োগৰ সীমা ২০১৪ চনত ২৬% ৰ পৰা ২০১৫ চনত ৪৯% লৈ আৰু ২০২১ চনত ৭৪% লৈ বৃদ্ধি কৰিছিল। ভাৰত চৰকাৰে বীমা খণ্ডক শক্তিশালী কৰাৰ বাবে গ্ৰহণ কৰা পদক্ষেপসমূহঃ সামাজিক সুৰক্ষা আঁচনিসমূহঃ শস্য-বীমাৰ বাবে প্ৰধানমন্ত্ৰী ফচল সুৰক্ষা যোজনা (PMFBY), স্বাস্থ্যসেৱাৰ বাবে আয়ুস্মান ভাৰত- প্ৰধানমন্ত্ৰী জন আৰোগ্য যোজনা (AB-PMJAY), দুৰ্ঘটনাজনিত বীমা-আচ্ছাদনৰ বাবে প্ৰধানমন্ত্ৰী সুৰক্ষা বীমা যোজনা (PMSBY), জীৱন বীমাৰ বাবে প্ৰধানমন্ত্ৰী জীৱন-জ্যোতি বীমা আঁচনিৰ (PMJJBY) দৰে পদক্ষেপ গ্ৰহণ কৰা হৈছে। প্ৰযুক্তিগত অগ্ৰগতিঃ সংহত অভিযোগ ব্যৱস্থাপনা প্ৰক্ৰিয়া (IGMS)-ৰ দৰে বীমা-প্ৰযুক্তি আৰু অভিযোগ দাখিল মঞ্চৰ প্ৰসাৰ ঘটোৱা হৈছে। বিত্তীয় অন্তৰ্ভুক্তিঃ বীমা-ঋণ প্ৰৱেশাধিকাৰৰ বাবে ক্ষুদ্ৰ-বীমা (Microinsurance) নিয়মাৱলী আৰু ষ্টেণ্ড-আপ ইণ্ডিয়া (Stand-Up India) কাৰ্যকৰী কৰা হৈছিল।

Tag: INSURANCE SECTOR

বীমা খণ্ড
INSURANCE SECTOR

INSURANCE SECTOR

Let's Crack
APSC Together

Quick Links

Newsletter

Subscribe for Updates

Let's Crack APSC Together

Quick Links

Newsletter

Subscribe for Updates

Let's Crack
APSC Together