Tag: UNFCCC – COP-29

ৰাষ্ট্ৰসংঘৰ জলবায়ু পৰিৱৰ্তন পৰিকাঠামো অভিৱৰ্তন (United Nations Framework Convention on Climate Change (UNFCCC)) ৰ অন্তৰ্গত পক্ষসমূহৰ (Parties) ২৯ সংখ্যক সন্মিলন (Conference) (COP-29) হৈছে গোলকীয় জলবায়ু প্ৰত্যাহ্বানৰ মোকাবিলাৰ লক্ষ্যৰে আয়োজিত এক গুৰুত্বপূৰ্ণ অনুষ্ঠান । চলিত বৰ্ষৰ ১১ নৱেম্বৰৰ পৰা ২২ নৱেম্বৰলৈ আজৰবাইজানৰ বাকুত এই ক'প-২৯ অনুষ্ঠিত হৈছিল। ক'প-২৯ ক'প-২৯ হৈছে ইউনাইটেড নেশ্যনছ্ ফ্ৰেমৱৰ্ক কনভেনশ্যন অন ক্লাইমেট চেঞ্জ বা ৰাষ্ট্ৰসংঘৰ জলবায়ু পৰিৱৰ্তন পৰিকাঠামো অভিৱৰ্তন (UNFCCC) ৰ পৰিচালনা সমিতিৰ (governing body) দলসমূহৰ সন্মিলন (Conference of the Parties (COP)) ৰ ২৯ সংখ্যক বাৰ্ষিক বৈঠক যি ১৯৮ খন সদস্য ৰাষ্ট্ৰক নিৰ্গমনৰ সম্পৰ্কে পৰ্যালোচনা কৰিবলৈ, জলবায়ুজনিত প্ৰগতিৰ মূল্যায়ন কৰিবলৈ আৰু গোলকীয় জলবায়ু নীতি প্ৰস্তুত কৰিবলৈ একত্ৰিত কৰে। ক'প -২৯ সন্মিলনৰ গুৰুত্বপূৰ্ণ দিশসমূহঃ বিষয়বস্তুঃ "সমূহৰ বাবে এক জীৱন্ত গ্ৰহত বিনিয়োগ" (Investing in a Livable Planet for All) ই জলবায়ৱীয় লক্ষ্যত (climate goals) উপনীত হ'বলৈ উদ্ভাৱনীমূলক সমাধান (innovative solutions), বিত্তীয় সহায় (financial support) আৰু অন্তৰ্ভুক্তিমূলক অংশীদাৰিত্বৰ (inclusive partnerships) ওপৰত গুৰুত্ব প্ৰদান কৰে। ক'প-২৯ৰ গুৰুত্বপূৰ্ণ ক্ষেত্ৰসমূহঃ উন্নয়নশীল দেশসমূহৰ বাবে জলবায়ু বিত্ত (climate finance) বৃদ্ধি কৰা। প্ৰযুক্তিৰ হস্তান্তৰ (technology transfer) ত্বৰান্বিত কৰা। বিশ্বব্যাপী ফলপ্ৰসূ জলবায়ু পদক্ষেপৰ বাবে ক্ষমতা বৃদ্ধি কৰা। ক'প সন্মিলনৰ মূল মাইলৰ খুঁটিসমূহ : কিয়োটো প্ৰট'কল (Kyoto Protocol) (১৯৯৭) : ক'প-৩ সংখ্যক সন্মিলনত চূড়ান্ত কৰা কিয়োটো প্ৰট'কলে ২০১২ চনৰ ভিতৰত ৪.২% নিৰ্গমন হ্ৰাসৰ লক্ষ্য নিৰূপণ কৰিছিল। কোপেনহেগেন চুক্তি (২০০৯) (Copenhagen Accord) : ক'প-১৫ সংখ্যক সন্মিলনত স্বাক্ষৰিত কোপেনহেগেন চুক্তিয়ে ২° চেলচিয়াছ উষ্ণতা বৃদ্ধিৰ সীমা, আৰ্থিক সহায়ৰ প্ৰতিশ্ৰুতি আদি অন্তৰ্ভুক্ত কৰিছিল। পেৰিছ চুক্তি (২০১৫) (Paris Agreement) : ক'প-২১ সংখ্যক সন্মিলনত গোলকীয় উষ্ণতা বৃদ্ধি ৰোধৰ বাবে ৰাষ্ট্ৰভিত্তিক-নিৰ্ধাৰিত-অৱদান (NDCs) ধাৰ্য কৰা হৈছিল। গ্লাছগো চুক্তি (২০২১) (Glasgow Pact) : ক'প-২৬ সংখ্যক সন্মিলনত এই চুক্তিৰ জৰিয়তে কয়লাৰ ব্যৱহাৰ হ্ৰাস আৰু জীৱাশ্মজাত ইন্ধনৰ ৰাজসাহায্য কৰ্তনৰ ওপৰত গুৰুত্ব আৰোপ কৰা হৈছিল। লোকচান আৰু ক্ষতি পুঁজি (Loss and Damage Fund) (২০২৩) : ক'প-২৮ সংখ্যক সন্মিলনত গৃহীত লোকচান আৰু ক্ষতি নিধি গঠনৰ জৰিয়তে দুৰ্বল (সংবেদনশীল ) ৰাষ্ট্ৰসমূহৰ বাবে বিত্তীয় সাহায্য আগবঢ়াবলৈ সিদ্ধান্ত গ্ৰহণ কৰা হৈছিল। ক'প-২৯ সংখ্যক সন্মিলনত ভাৰতৰ অংশগ্ৰহণ ভাৰতৰ ভূমিকাঃ ভাৰতে উন্নয়নশীল ৰাষ্ট্ৰসমূহৰ বাবে সমতা, জলবায়ু ন্যায়, আৰু বিত্তীয়/প্ৰযুক্তিগত সমৰ্থন বৃদ্ধিৰ পোষকতা কৰে। ভাৰতে উক্ত সন্মিলনত আগবঢ়োৱা মূল প্ৰতিশ্ৰুতিসমূহ : ২০৭০ চনৰ ভিতৰত নিগুট-শূন্য (Net-Zero by 2070) অভিলক্ষ্য : ভাৰতৰ এই প্ৰতিশ্ৰুতিয়ে বহনক্ষমতাৰ সৈতে উন্নয়নৰ ভাৰসাম্য ৰক্ষা কৰে। নৱীকৰণযোগ্য শক্তি : ২০৩০ চনৰ ভিতৰত ৫০০ গিগাৱাট (GW) নৱীকৰণযোগ্য শক্তি ক্ষমতাৰ প্ৰতিশ্ৰুতিৰে ভাৰতে আন্তঃৰাষ্ট্ৰীয় সৌৰ মিত্ৰতা (International Solar Alliance (ISA)) ৰ নেতৃত্ব বহন কৰে। ৰাষ্ট্ৰভিত্তিক-নিৰ্ধাৰিত-অৱদান (NDC) : ভাৰতে ২০৩০ চনৰ ভিতৰত ৪৫% মুঠ ঘৰুৱা উৎপাদনৰ কাৰ্বনৰ তীব্ৰতা (GDP carbon intensity) হ্ৰাসকৰণ আৰু নৱীকৰণযোগ্য শক্তি-উৎসসমূহৰ পৰা ৫০% শক্তি আহৰণ লক্ষ্য নিৰূপণ কৰিছে। 'পৰিৱেশৰ বাবে জীৱনশৈলী' পদক্ষেপ (LiFE Initiative) : ভাৰতৰ "মিছন লাইফ" (Mission LiFE) পদক্ষেপে বিশ্বব্যাপী বহনক্ষম, পৰিৱেশ-অনুকূল জীৱনশৈলীৰ প্ৰসাৰ কৰে। ক'প সন্মিলনে সন্মুখীন হোৱা প্ৰত্যাহ্বানসমূহ : জলবায়ু বিত্তঃ ক'প সন্মিলনৰ পূৰ্ব-নিৰ্ধাৰিত ১০০ বিলিয়ন ডলাৰৰ বাৰ্ষিক লক্ষ্য এতিয়াও পূৰণ হোৱা নাই। তাৰোপৰি, জলবায়ু বিত্তজনিত নব্য সামূহিক সংখ্যাবাচক অভিলক্ষ্য (NCQG) সম্প্ৰতি সমাধান হোৱা নাই। প্রশমনগত ব্যৱধানঃ উন্নত আৰু উন্নয়নশীল দেশসমূহৰ মাজত কাৰ্যকৰী ক্ষেত্ৰভিত্তিক বৈষম্য বিদ্যমান। যুৱ চাপঃ ই জীৱাশ্ম ইন্ধনৰ প্ৰভাৱৰ বিৰোধিতা কৰি সাহসী পদক্ষেপৰ দাবী জনায়। বাকুৰ ক'প-২৯ সন্মিলনত গৃহীত মূল পদক্ষেপসমূহ ৩০০ বিলিয়ন ডলাৰ জলবায়ু বিত্তঃ ২০৩৫ চনলৈ উন্নত দেশসমূহে উন্নয়নশীল দেশসমূহক বাৰ্ষিকভাৱে সহায় কৰিবলৈ প্ৰতিশ্ৰুতিবদ্ধ হৈছে। গোলকীয় কাৰ্বন বজাৰ (Global Carbon Market) : কাৰ্বন নিৰ্গমন হ্ৰাস কৰিবলৈ প্ৰমাণিত কাৰ্বন ক্ৰেডিট (carbon credits) ব্যৱসায়ৰ বাবে ৰাষ্ট্ৰসংঘ-পৰিচালিত ব্যৱস্থা ৰূপায়ণ কৰা হ'ব। বাকু পৰ্যটনখণ্ড ঘোষণাপত্ৰ (Baku Declaration on Tourism) : পাৰিপাৰ্শ্বিক প্ৰভাৱ হ্ৰাস কৰিবলৈ বহনক্ষম পৰ্যটন পদ্ধতিৰ ওপৰত গুৰুত্ব আৰোপ কৰাত মনোনিৱেশ কৰা হ'ব। কাৰ্য্যকৰী জলবায়ু বিত্ত পুঁজি (Climate Finance Action Fund (CFAF)) : ই নবীকৰণযোগ্য শক্তি আৰু দুৰ্যোগ প্ৰতিক্ৰিয়াৰ বাবে জীৱাশ্ম ইন্ধন উৎপাদকসকলৰ পৰা ১ বিলিয়ন ডলাৰৰ বাৰ্ষিক অৱদানক সাঙুৰি লয়। বাকু মানৱ উন্নয়ন পদক্ষেপ (Baku Human Development Initiative) : এই পদক্ষেপে বিশেষকৈ যুৱক-যুৱতীসকলৰ বাবে জলবায়ু স্থিতিস্থাপকতা বৃদ্ধিৰ বাবে শিক্ষা আৰু স্বাস্থ্যখণ্ডত বিনিয়োগ কৰাৰ ওপৰত গুৰুত্ব প্ৰদান কৰে। জলবায়ু স্বচ্ছতা পদক্ষেপ (Climate Transparency Initiatives) : ই জলবায়ৱীয় কাৰ্য আৰু বিত্ত অনুসৰণ আৰু বৃদ্ধিৰ বাবে উন্নত বিশ্বজনীন ব্যৱস্থা গ্ৰহণৰ ওপৰত গুৰুত্ব আৰোপ কৰিছে।

Tag: UNFCCC – COP-29

ইউএনএফচিচিচি (UNFCCC) ক’প-২৯ (COP-29)

UNFCCC – COP-29

Let's Crack
APSC Together

Quick Links

Newsletter

Subscribe for Updates

Let's Crack APSC Together

Quick Links

Newsletter

Subscribe for Updates

Let's Crack
APSC Together